कोट्याबहाद्दर राऊत


'ठाकरे' सिनेमाचा म्युझिक लॉन्चिंग सोहळा सुरु होता. संजय राऊत तिथे होते. ते निर्माते असले, तरी निर्माते म्हणून ते 'टेम्पररी' आहेत. राजकीय नेते हा त्यांचा 'पूर्णवेळ व्यवसाय' आहे. त्यामुळे सहाजिक तेथे उपस्थित पत्रकाराने संजय राऊतांना गेल्या पाच-सहा दिवसांपासून सुरु असलेल्या 'बेस्ट'च्या संपावर प्रश्न विचारला.

शिवसेनेची सत्ता असलेल्या महापालिकेने बेस्टची पुरती वाट लावलीय. वर्षानुवर्षे यांचे नेते बेस्टच्या समितीचे अध्यक्ष असून बेस्टला डबघाईत नेली. त्याच सेनेच्या खासदाराने म्हणजेच संजय राऊतांनी पत्रकाराच्या प्रश्नाला उत्तर काय द्याव? तर हे संजय राऊत म्हणतात, "ठाकरे सिनेमा 'बेस्ट' आहे. सिनेमातील म्युझिकही 'बेस्ट' आहे."

'सामना'च्या अग्रलेखातून फुकट्या कोट्या करण्याची सवय जडलेल्या या माणसाला कुठला विषय गंभीर आणि कुठला विषय हलका-फुलका हेही समजेनासे झालेलं दिसतंय. हे केवळ यांच्या खासदारापुरता विषय मर्यादित नाही. यांच्या नेतृत्त्वाचीही हीच गत.

दोन-दोन आकडी आमदार आणि खासदार मिरवणाऱ्या पक्षाचा नेता अर्थात उद्धव ठाकरे हे सलग 7 तास महापौर बंगल्यावर बसूनही बेस्ट संपावर तोडगा काढू शकत नाहीत. हे काय राज्य चालवणार? यांना महापालिकेचा बेस्ट नावाचा एक उपक्रम नीट चालवता येईना.

25 वर्षे मुंबई महापालिकेवर आणि पर्यायाने बेस्टवर सत्ता असूनही मुंबईची याच लोकांनी वाट लावलीय, हे जळजळीत सत्य आहे. उगाच इथे असलेल्या सेना समर्थकांनी सेनेचे फुकाचे समर्थन करु नका. जे चूक ते चूक म्हणायला शिका. असल्या उथळसम्राटांना त्यांची जागा दाखवून द्यायला हवी.

आता त्या शशांक राव यांना धारेवर धरायला लागलेत हे. मुंबईकरांचे हाल करातायत म्हणे. अरे शशांक राव गेले चुलीत. तुम्ही कर्मचाऱ्यांच्या मागण्यांवर काय म्हणताय बोला. शशांक राव नावाला पुढे आहेत आणि ते पुढे असण्याला त्यांच्या मागे हजारो कर्मचारी आहेत. त्या कर्मचाऱ्यांच्या रोजच्या जगण्याशी संबंधित मागण्यांवर काय म्हणणं आहे, ते सांगावं सेनेच्या लोकांनी. बाकी फुकाच्या बाता नि फुकाच्या कोट्या बंद कराव्यात. बोगस लेकाचे.

पाहा संजय राऊत यांच्या उथळ कोट्यांचा व्हिडीओ :


Powered by Blogger.